په ۱۹۱۹ ع کال کی انګرېزانودافغانستان خپلواکي ولې په رسمیت وپېژندله ؟

مونږدامنوچې افغانانوته به ډېره سخته وي چې دمیروئيس نیکه اواحمدشاه بابا دعوې و ګټي خودغازي امان الله خان دمیراث حق لري ځکه چې شرعي ، حقوقي اومستندثبوتونه لري . ننې افغانستان همدې غازي اوافغانانوپه خپلوسرووینو، دازادۍ اوخپلواکۍ په استلال ، مبارزه ،حقوقو، قانون اورسمیاتوګټلې اوساتلې دې مګردنړۍ ډېروستروهیوادونودنوروبیګناه انسانانوپه وژنه اودهغوی په ملکیت په برمته کؤلوځانته هیوادونه جوړکړي دي . که عدل ، انصاف اوقانونیت وي نودحساب لپاره داګزاودامیدان ، دوی دی ووایي چې دوی خپل هیوادونه په کومه توګه ، وسیله ، تاریخ ، حقوقو اومنطق جوړکړي دي ؟

شنبه، شهریور ۳۰

حی علل فلاح


دسولې دنړۍ والې ورځې له ډاډ سره په ټوله نړۍ او په ځانګړې توګه په افغانستان کی لکه دمؤذ ن د (حی علل فلاح) سره په هر ټوپکوا ل ، هررشؤت خور ، هرفسادي اوفتنه ګر ، هرقاچاقبر ، هرمتعصب اوکرکجن ، هرتنظیمي ، هرګوندي ، هرحزبي ، اوهرزورواکي غږ کوو چې له رشؤته نوره توبه کړي ، له فساداوفتنو لاس واخلي ، مینه اوورورولي جوړه کړي ، ملي سیاست اوکورني حئثيت ته مخه کړي اودافغان اولس له شریفو ، دیانت لرونکو، امانتګرواودادارې اودولت وړ هیوادپالواستازو څخه یوه ملي دولتي اداره رامنځ ته کړي . مونږ دکورنیواوبهرنیوټوپکوالواوبمباردچیانوڅخه په کلکه غوښتنه کؤوچې دپښتنوسره دوښمني ختمه کړي ، په دوی بمبارۍ اویرغلونه بس کړي او دوی پخپل کلي اوکورکی دخپلوبچوسره عادي ژوند ته پرېږدي .
مونږ د تخارولایت په خوجه بهاؤالدین اولسوالۍ کی دازبک ټوپکوالواوزورواکونه غواړوچې ۷۰۰ برمته شوي پښتانه پرته له قېد اوشرطه ازاد کړي اوهغوی ته خپلې ځمکې وروسپاري .
افغانان په دې ورځ دپاکستان ، ایران ، ازبکستان ، تاجکیستان ، روسیې ، عرب هيوادونو، چین اوهند څخه غوښتنه کوي چې په افغانستان کی د رښتیانۍ سولې دراوستواوټينګښت لپاره په صداقت اوبېطرفۍ دافغان اولس ملګرتیا وکړي. ،
دافغانستان ګاونډي هیوادونه مکلفیت لري چې دمخدره موادو اوانساني تجارت مخه ډ به اولارې یې بندې کړي ، همدغه رازدمافیایي بانډونو اونړۍ وال قاچاقبران ، ولوکه دناټوپه عسکروکی هم وي ، نړۍ ته رسوا کړي .
ګاؤنډي اودسيمې هيوادونه نه شي کؤلای خپله جامعه له هغوناورینونواوخطرونوڅخه وژغوري چې دافغانستان اولس ورسره لاس اوګرېوان دې نوځکه مکلف دي چې دخپلو هیوادونواوخلکودحفاظت اوروغتیا لپاره دمبارزې ډ ګرته ودانګي .
مونږد سولې دورځې دنړۍ وال ارزښت په درک کؤلو، د فلسطینیانواودنړۍ دټولومظلومواوبې حقوملتونوسره یوځای دسولې ، ازادۍ اوخپلواکۍ غږپورته کؤواوقابضوزورواکواوداسلحوکاروونکوته د سولې ، امن ، عدالت ، انصاف اوانساني کرامت ته ددرناوي بلنه ورکؤو.
مونږدسولې په لوړغږ خپل زورېدلي پښتانه وروڼه زغم اواتفاق ته دعؤتوواوپام یې دیوه سوله ایز ، غښتلي سیاسي، ستراو خپلواک خؤځښت اوتړون ته اړؤو چې دډاډمن بري اوتحفظ یواځینۍ لاراودوخت له غوښتنوسره برابره ده . مونږ پوره باورلروچې پښتانه کؤلای شي چې په خپل نوم سوله ایزه مبارزه کی خپل وقار، عزت ، خپل اولادونه ، راتلونکې نسل ، شتمني ، پښتونؤلي ، اسلامي تقد س ، کلتوري اوفرهنګي ارزښتونه اوهویت وژغوري اودپائښت اوپرمختګ خپل وسائيل ترلاسه کړي . پښتانه دنړۍ هغه سترقووم دې چې دازادۍ لپاره یې په هروخت سرښندنې کړي ، دوی هروخت دهنددنیمې وچې په ساتلوکی دنړۍ دستروزبرځواکونوسره دډغروپه لومړي صف کی ولاړؤخوددوی مبارزې دبل چاپه نوم ثبت شوي ، هغه وخت نني وسایل اوعلم نه وو ، اوس بل اوبېل وخت دې ، پښتانه سټلائټ نه لري چې پخپله خاوره کی دپردیوکړنې وڅاري خونوریې لري اودشپې په توره تیاره کی هم هرڅه څارلې شي ، همدغه علت دې چې که دپښتنوپه سیمه کی یوخارجي عسکرووژل شي ، په بدل کی یې سل پښتانه وژل کیږي ، نودسلوپښتنودژوندي پاتې کېدو اودخپلوحقوقولپاره دمؤثرې مبارزې ښې سوله ایزې اوډاډمنې لارې اووسائل شته چې پښتانه یې باید ترلاسه کړي .


ددې مبارزې اوارمان په ملاتړ وایو :

پياوړي اوبریالي دی وي دسولې اوازادۍ پلؤیان

هیچ نظری موجود نیست:

خطایی در این ابزارک وجود داشت
خطایی در این ابزارک وجود داشت
مونږټول افغانان ورورولۍ ، انصاف، عدالت ، امن ، علم ، ترقۍ ، برابرۍ ، قانونیت اودبشردحقونوملاتړته رابولوو
خطایی در این ابزارک وجود داشت
خطایی در این ابزارک وجود داشت